2010 MTN VARINGFEES GAAN ROCK

Brackenfell in die Wes-Kaap gaan op 5, 6 en 7 November weer rock met die jaarlikse MTN Varingfees, wat van die land se beste Suid-Afrikaanse kunstenaars sien optree ten bate van die gemeenskapsprojekte van die Brackenfell Proteahoogte NG Kerk.

Die MTN Varingfees vind plaas by Brackenfell Hoërskool se terrein en sien MTN se vierde jaar van betrokkenheid by, wat die ambassadeur van die Varingfees, Pedro Kruger, bestempel as die beste musiekfees in die land.

“Wat begin het as ‘n klein gemeenskapsprojek sewe jaar gelede met 6000 ondersteuners het gegroei na ‘n massiewe fees van familievermaak wat meer as 20 000 mense verlede jaar gelok het,” sê Anthony Garstang, senior borgskapbestuurder by MTN SA.

“MTN is passievol oor Suid-Afrikaanse musiek en voel dat die MTN Varingfees ‘n ongelooflike geleentheid is om musiek in die streek uit te bou en mense van regoor die land te kry om hulself te geniet in ‘n veilige omgewing,” sê Garstang.

Die MTN Varingfees is uniek in die sin dat daar geen alkohol verkoop word nie en dus kan ouers die fees bywoon met die wete dat hul kinders in ‘n ontspanne, veilige omgewing kan speel.

“Bo en behalwe die wonderlike kunstenaars wat oor die twee dae by die fees gaan optree, sal daar ook vele ander vermaaklikhede wees, soos ‘n vlooimark, ‘n verskeidenheid van vermaak vir die jonger geslag en talle kosstalletjies wat die feesgangers kan besoek” sê Garstang.