2008

Hi Danie,

Dankie aan julle dat julle Amor bespreek het. Sy het die optrede daar ook geweldig geniet. Dankie vir al julle puik reelings. Dit was werklik n plesier om met julle almal saam te werk. n Geseende feestyd ook vir julle almal en voorspoed vir 2009!

Vriendelike groete

Delyse Vittone

2008

Beste Danie

Vera en Arno het my verlede jaar vertel van die ongelooflike, goed georganiseerde fees wat julle aanbied. Ek het toe besluit om dit self hierdie jaar by te woon. NOU verstaan ek waarvan hulle gepraat het! Ek was ook in gesprek met Juanita en Ronel (Bobby se ma) en ook hulle het net mooi dinge te vertel gehad van julle!

Ekself asook my promosiemaatskappy is betrokke by baie feesste in die land en ook selfs in Namibië. Sommige van hierdie feeste is goed georganiseerd en sommige moet egter nog baie leer. Ek is regtig baie beïndruk met julle fees. Vandat jy met ons begin onderhandel het oor Arno, het ons opgemerk hoe netjies en professioneel jy en jou span optree. Baie feeste kan hier by julle kom leer. Met ons aankoms daarby julle is ons soos VIPs ontvang en behandel! Baie dankie daarvoor. Ek het ook opgemerk dat jy ‘n baie sterk, gedissiplineerde bestuurspan het wat hulle alles gee en doen om die fees so lekker en aangenaam te maak en hulle pose te hou indien daar iets sou verkeerd loop agter die skerms waarvan die publiek nie weet nie (sê nie daar het nie, maar weet wel dat dit gebeur).

Baie dankie weereens vir die geleentheid wat jy vir Arno gegee het om te kan optree.

Nogmaals baie geluk met julle fees en dankie vir julle gasvryheid – ons het dit baie geniet ons glo ons sal weer so maak in die toekoms!!

Mooi loop en die Here seën!
Groete
Paul Jordaan


2007

Hi Danie

So is die Fees toe verby!! Julle is seker lekker moeg, maar ek dink julle kan baie tevrede voel met 'n suksesvolle Fees agter die rug!

Soos jy weet was dit ons eerste en ek sal vir Paul seker altyd dankbaar bly dat hy so goed vir my was om te sê ek mag maar Kaap toe vlieg, natuurlik deels om by my ma te kon wees met haar verjaardag, maar dan ook om te kon deel wees van die Fees. Dit was vir my regtig 'n groot lekker en ek wil julle geluk wens met julle organisasie en alles wat daarmee gepaard gegaan het. Julle kan baie trots wees en ek kan julle belowe, ons sal net met lof van julle Fees praat sover ons gaan.

Arno kon ook nie uitgepraat raak die aand toe ons huistoe gaan nie. Hy sê dat hy lanklaas so lekker geshow het met die wete dat die gehoor nugter is en hom geniet vir dit wat hy vir hulle kon gee en dat hy 'n slag sy talent met nugter mense kon deel. Hy vra dat ek asseblief sy dank oordra aan jou en die res van die komitee, vir die gasvryheid, goeie reëlings en alles wat daarmee gepaard gegaan het. Ons het dit regtig baie geniet daar by julle.
Sê ook baie groete en dankie aan Anita (Sophie!) vir haar gasvryheid en vriendelikheid. Julle is regtig oulike mense.

Mooi bly en hoop ons kan weer saamwerk in die toekoms.

2008

Hi Danie

Dankie ook vir julle. Dis altyd 'n voorreg om daar te kan wees. Bobby het dit baie geniet! Hy het regdeur Brandon and Nianel se shows geteken. Amper 2 ure lank. Dit wys ook vir ons dat die mense hom baie geniet het.

Ronel Brink
STABILES PRODUKSIES
Bestuurder en Agent Vir Bobby van Jaarsveld

2008

Baie dankie aan al die organiseerders, klankmanne en borge. Dit was my eerste jaar by die fees en alles was 100% georganiseerd. Baie dankie vir so n puik fees en die geleentheid.

Carlo de Goede

2008 (Webtuiste uittreksel)

Ek en Wynand was gisteraand by die media launch van die Varingfees. Hob-knobbing with celebs and promoters. Ek dink die fees is een van die beter feeste in die Wes-Kaap! Hulle het altyd 'n line-up wat skrik vir niks nie en dan dink ek ook die feit dat daar geen drank by die fees verkoop word is 'n wen-resep!

Hier, links, is ek saam met Hannes, van Egoli faam, en in die middel is die amptelike ambassadeur vir die Varingfees, Pedro Kruger! Wonderlike man! Regs is ek saam met my vriendin, Karin Burger. Dis altyd lekker om saam met haar te kuier! Sy is een van die bekende name by Rapport. Ons kom so goed oor die weg! Ek is ook nie bang om die verkeerde dinge vir haar te sê nie want sy ken my en sy weet met my is dit "what you see is what you get!".

Dankie vir die lekker kuier en sterkte met die fees!





2008

Hello Danie

Dis ons wat vir julle moet dankie sê! Wow! Baie baie baie geluk met 'n suksesvolle Varingfees! Elke jaar word dit net beter en groter, en dankie dat ons, en ek weereens, deel kon wees van die wonderlike fees. Die vertoning self was ook net so lekker! Die stage amazing en die klank ook puik! Net die son wat te warm was! Maar ek het survive!

Nadat ons daar weggery het vanaf julle Saterdagmiddag, gesels ek en Wynand in die kar, en chat ons oor julle almal wat so hard werk en wat so verskriklik professioneel is - van die VIP area, die klank, die backstage, die CD verkope area, die boksie waarin ons geld gereed staan vir ons - alles! Alles is net so perfek en mooi gereël! Well done Danie, and to everyone who had a part in the admin area of the Varingfees.

Danie, ek is seker ons is nie 3 keer lucky in 2009 nie, maar ek en Wynand wens julle almal net die beste vir volgende jaar se Varingfees! Ek weet ons sal wel eendag weer mekaar sien! Maar ja, as jy kans sien vir 'n great show, miskien saam met 'n band, kan ons net 'n goeie produksie lewer! Maar ja, as ons nie mekaar weer volgende jaar sien nie, sterkte met die reëlings. Mag julle verder van krag tot krag voort gaan en as 'n ou Brackenfeller, wil ek net dankie sê vir die great job wat jy doen vir die noordelike voorstede se mense! Julle is almal tops!

groete
Cheree en Wynand Strydom.


2007

Aan die komitee van die varingfees

Baie dankie vir die geleentheid om by hierdie jaar se fees te kon optree. Ek het die vertoning verskriklik geniet en baie geluk met die sukses van die fees. Elke jaar word dit groter en beter! well done to everyone who played a part in the success of the varingfees.

Dankie aan die komitee wat ook goeie klank bespreek het! Die klank was beautiful en dit was wragtig lekker om my eie stem deur daai system te hoor! dankie.

Ek wens julle voorspoed toe met die reëlings vir die fees! Ek weet ek gaan nie weer volgende jaar kan optree nie, makes sense though, maar hou my en Wynand se duet show in gedagte asb.

Groete en liefde

Cheree
mmmmmwwwwa!!!!!

2008

Hallo Danie

Dit was 'n voorreg om by julle op te tree. Soos gewoonlik was alles weer perfek gereël, selfs die weer het saam gespeel.

Groete Sandra

Die Campbells



2006

Hallo Danie

Ons wil net weer vir jou en al die ander mense wat betrokke was by die reëling van die Varingfees baie dankie sê dit was puik.

Ek sien daar is 'n mooi berig vandag in die Tygerburger op bladsy 16 van die fees.

Groete Sandra

Die Campbells

2006

Hallo Danie

Jy spring my nou voor. Ek wou al vir jou geskakel het om net weer dankie te sê vir julle gasvryheid en om julle geluk te wens met wat ‘n uiters suksesvolle fees was!

Doen so voort.

Goedgaan
Marius van de Wall
Fiesta!

2006

Geagte Danie

Eerstens wil ek jou weereens opreg bedank vir die wonderlike ervaring die jaar by die Varingfees!

Dit was ongelooflik om met jou en jou feesspan te kon werk.

Alles was net REG!

Groete
Ingrid Botha
Rock Till You Drop Management

2006

Geagte Danie

Baie dankie vir die voorreg om te kon optree by een van die bes-georganiseerde feeste ooit!

Alles wat mooi is!
Irene van Wyk

2006

Baie dankie vir die voorreg om vanjaar weer by julle fees te kon optree. Dit bly ‘n baie lekker erVARING.

Bedank asb ook almal wat betrokke was by die reëlings en wat gehelp het dat alles agter die verhoog glad verloop. Dit was regtig lekker om daar te wees as kunstenaar.

As julle volgende jaar weer iemand nodig het om die fees te begin, ek is beslis weer beskikbaar.

Groete
Jacques de Kock

2008

Geagte Danie

Net 'n vinnige e pos om jou en jou span geluk te wens met 'n ongelooflike fees! Alles was so reg en in plek, van die heel begin af. Dit het 'n mens voorwaar laat welkom voel - Dankie daarvoor!
Dit was 'n groot voorreg om te kon deel wees van jou meester-fees! Ek het dit ongelooflik baie geniet.

Sterkte met jou projekte vorentoe - Hoop ons kan weer so maak.

Groetnis
Jennifer Zamudio


2008

Geagte Danie en die Varingfeesspan,

Baie dankie vir jou e-pos. Maar weet jy – die dankie moet eintlik aan julle gaan!!! Dit was vir Jennifer ‘n ongelooflike groot voorreg om te kon deeluitmaak van julle wonderlike en uiters suksesvolle fees. Al was ek ongelukkig nie self daar nie, kon sy nie uitgepraat raak oor julle vriendelikheid, professionaliteit en reëlings nie. Sy het my in detail vertel hoe dit was en haar gate uit geniet. Ek kon ook so aflei uit die foto’s uit wat iemand vir my aangestuur het.

Ek dink daar is ‘n hele paar feeste wat by julle kan gaan leer hoe om ‘n fees ordentelik en suksesvol aan te bied.

Hopelik, nooi julle dalk sommer spoedig weer vir Jennifer om by julle op te tree.
Sterkte met die reëlings vir volgende jaar se fees – soos ek julle ken – is julle alreeds besig daarmee!!

Vriendelike groete
Rindi Maritz
Markon Records

2006

Danie

Weereens net baie dankie vir die voorreg om te kon optree by die wonderlike fees. Ek dink julle moet almal goue medaljes kry vir ‘n fees puik gereël.

Ek sal baie graag volgende jaar weer wil optree. Ek sal dit waardeer as jy kan kyk of dit sal moontlik wees. Ek bring volgende jaar my 2de CD uit, waarvan ek drie van my nuwe liedjies op die fees gedoen het.

Groetnis
Leon van der Merwe

2008

Nádine het ongelooflike terugvoering gegee, dankie vir die professionele manier hoe julle te werk gaan, dit is lekker om met organiseerders soos julle te werk.

Groete
Carine
Bestuurder/Agent

2008

Dear Roanda

We would just like to thank Varingfees for the lovely flowers and fluffy puppies! Your special gesture means a lot to us, thank you so much!

Lots of love
Andrew, Nianell, Kaeley, Jade & Tayden



2007

Dear Danie

Thank you for organizing a fantastic festival once again in 2007, we are always pleased to be part of the Varingfees.

We are also really grateful for how kind you and your team always are and make us feel so welcome.Thank you for thinking of us when our children where born, they still have the little dogs on there beds.

Kind Regards
Andrew Thompson

2008

Hi Danie,

Baie baie dankie vir julle. Dit was ‘n great fees. Nicholis geniet dit altyd vreeslik. Dankie vir al julle moeite en harde werk met die kunstenaars. Ons waardeer dit opreg.

Carmen Kleinhans
Eksklusiewe agent vir Nicholis Louw

2007

Hello Danie

Ek moet vir jou dankie sê vir die geleentheid wat jy en die komitee elke jaar aan my gee. Ek voel half deel van die familie en dis wonderlik. En verseker wil ek graag volgende jaar weer daar wees. So as julle my wil hê, is ek DAAR!!

Sterkte met die res van die jaar en hopenlik praat ons gou.

Groete en sê asseblief dankie aan die res ook.
Pedro

2006

Hi Danie

Pedro sê hy’t die fees baie geniet – en dat dit een van die bes georganiseerde feeste is waar hy al opgetree het.

Groetnis
Hennie van Greunen

2008

Ons moet vir Varingfees baie dankie sê, dit was ongelooflik aangenaam gewees en die behandeling wat die kunstenaars ontvang het was 1ste klas.

Sterkte met volgende jaar se reëlings.

Adele Ferreira
Eksklusiewe agent vir Wicus van der Merwe, Ray Dylan en David Fourie

2006

Argentinië looi Engeland op Twickenham vir die 1ste keer, 25-18! Ek kyk saam Christo, Cobus en Danie Niehaus hoe die Iere die Bokke ‘n rugbyles leer. Is daar meer pyn as dit? Elof, Christo se laaitie is al mooi groot (18 maande?) en Danelle is weer swanger met…nog ‘n seuntjie!!! Daar’s sy. Ons werk nou aan Cobus. Dankie dat ons julle plek kon oorneem vir die rugby.

Ek’s direk hierna Varingfeesterrein toe vir die konsert. Saterdagaand sing toe weer 10uur, d.w.s. 11uur. Geen kinders en ou garde bly so laat op nie. En ek sing al dekades nie meer net vir kanniedood 20 jariges nie.

En wat gebeur toe? 15 - 20 000 Kapenaars sit bankvas vanaf 11 - 12.30 in die oggend, in wat my persoonlike konsert van die jaar was.

Dankie Stormers, kinders, oumas, jong families, ou bewonderaars en Varingfeesorgniseerders. Hier links roep ek vir Bobby van Jaarsveld om die Diamond dinge saam my te doen. Dit doen hy verbasend goed. Daarna spring ek af en hol op met die diensgang en groet ‘n paar vriendelike feesgangers. Dit was meer konsertbywoners as wat ek ooit gesien het. Teen hierdie gang uit kom jy by die klankboks, waar Allan sit. Agter dit is daar nog ‘n skerm en een hele nuwe klanktoestel vir die agterste 70 meter van die terrein.

2008

Hallo Danie en almal betrokke by die Varingfees,

Namens Theuns en die orkes wil ons net vir julle baie dankie se vir al die reelings rondom Theuns en die span. Ek dink hierdie jaar wees weer ‘n reuse sukses. Baie dankie vir al julle reelings rondom die vervoer en die verblyf van die orkes. Hulle het alles baie geniet.

Baie sterkte met julle voorbereiding van volgende jaar se fees en ons hoop van harte ons kan weer deel wees!


Vriendelike groete
Theuns, Lizette en orkes



2006

Hallo Danie en die res van die varingfees personeel

Namens Theuns en sy geselskap wil ek net vir julle baie dankie se vir al die moeite wat julle met hulle gedoen het. Theuns het die varingfees vreeslik geniet. Baie dankie vir al julle moeite met al die papierwerk en als vir die kantoor. Ek het ook regtig lekker saam met julle gewerk. Baie sterkte met die voorbereiding vir volgende jaar se varingfees. Ek is seker dit gaan ‘n groot sukses wees.

Vriendelike groete

Lizette van Rensburg
Agent - Theuns Jordaan